Ficha técnica 2025/26

1. Institución:

• Medio Ambiente e Cambio Climático
  • Dirección Xeral de Patrimonio Natural.

2. Ámbito: Medio ambiente; Patrimonio Natural.

3. Presentación do programa:  O programa consiste en desenvolver un proxecto relacionado cos espazos e especies  protexidos de Galicia, o fomento da concienciación e actitudes do alumnado cara á conservación da natureza e o coñecemento da Rede Natura 2000, facendo especial atención ao coñecemento da biodiversidade de Galicia, os seus hábitats e os ecosistemas. A súa vez aprender a darlle visibilidade a través de novas tecnoloxías.

4. Alumnado ao que vai dirixido: alumnado de Educación infantil, Educación primaria, Educación Secundaria Obrigatoria, Bacharelato, Ciclos formativos  e Educación especial. 

5. Participación:

• Límite de centros participantes: 12.
• Límite de docentes participantes por centro: 6, e sempre e cando se especifique claramente cal foi a súa tarefa en concreto nos proxectos.
• Límite de alumnado participante por centro: 200.

6. Criterios de selección:

1. Calidade do proxecto presentado.
2. Adecuación aos obxectivos e competencias da Dirección Xeral de Patrimonio Natural.
3. Orixinalidade do proxecto.
4. Implicación do centro e implicación social.
5. Poder divulgativo y demostrativo do proxecto.

7. Persoa responsable:

Nome: Ana Mª Quiroga Rodríguez
Departamento: Dirección Xeral de Patrimonio Natural
Teléfono: 981 547 209
Correo electrónico: ana.quiroga.rodriguez@xunta.gal

8. Obxectivos do programa:

1. Introducir ao alumnado nos conceptos básicos da conservación da natureza, A Rede Natura 2000, a biodiversidade de Galicia e os espazos protexidos.
2. Fomentar a súa sensibilización e implicación cara á natureza desenvolvendo actitudes de curiosidade, interese e creatividade cara os elementos e protección das especies e espacios naturais de Galicia
3. Adquirir habilidades emocionais e intelectuais para a prevención e resolucións de problemas ambientais, coñecendo e valorando o seu contorno natural. Aplicación de novas tecnoloxías a estes obxectivos

9. Palabras clave: patrimonio natural, espazos, especies, biodiversidade.

10. Metodoloxía e temporalización: Durante  o curso escolar.

11. Actividades e recursos ofertados: acompañamento e guía en rutas por espazos protexidos, charlas e obradoiros

• Recursos materiais: materiais varios ; unidades didácticas.
• Obradoiros: sobre espazos protexidos , patrimonio natural e biodiversidade.
• Saídas: a cargo do centro. Dispoñen de diversidade de rutas con guía.
• Webs de referencia:
  • https://cmatv.xunta.gal/
  • https://galicianaturaleunica.xunta.gal/es
• Concursos / Premios:
  • Dibujo Naturalista (Primaria).
  • Microrrelato ecológico (Secundaria).
  • Vídeo Documental Breve e proxecto de investigación (Bachillerato y FP).
  • Proyecto Inclusivo para educación especial.
• Formación: Asesoramento contínuo.

12. Orzamento: non se contempla.

13. Produto final:

• Formato híbrido e interactivo WebApp ou Site creado con ferramentas accesibles, que actúe como contedor de todo o traballo do curso.
• Adaptado á lectura fácil, pictogramas, subtítulos e audios, para que sexa inclusivo e accesible a todos os perfís de alumnado.
• Fichas multimedia (texto, imaxe, audio e vídeo)
• Mapas de patrimonio natural local, recompilando cultura e tradicións (toponimia, lendas, etc)
• Ilustracións, colaxes, música ambiental, textos poéticos e narrativos inspirados na natureza galega.
• Evento final: “Feira dá Biodiversidade”, con casetas interactivas, charlas estudantís e experiencias inmersivas (por exemplo, roteiros con códigos QR que enlacen aos contidos do Atlas/mapa).
• Difusión en liña: publicación do Atlas en portais educativos, redes sociais do centro, e colaboración con medios de comunicación locais e entidades científicas. 

14. Criterios de avaliación:

• Criterios xerais do Plan Proxecta+
  • Creación dunha rede de traballo cooperativa na comunidade educativa entre alumnado, profesorado, familias e / ou institucións da contorna. Valorarase especialmente a participación activa do alumnado no desenvolvemento do proxecto (toma de decisións, realización do produto final, etc.).
  • Interdisciplinariedade (achegas dende distintos departamentos didácticos, disciplinas ou materias) e transferibilidade do proxecto.
  • Impacto e difusión do proxecto: é imprescindible incorporar na memoria, a través de ligazóns (páxinas web, blogues, etc.) evidencias gráficas e / ou documentais do traballo realizado que permitan constatar o desenvolvemento do proxecto.
• Criterios propios do programa:
  • Produto definido como plan proxecta e non como traballo curricular.
  • Interdisciplinariedade (achegas desde distintos departamentos didácticos, disciplinas ou materias) e transferibilidade do proxecto.
  • Creación dunha rede de traballo cooperativa na comunidade educativa  e social
  • Inclusión de reportaxe gráfica e comentada do proxecto durante  a súa realización.