Título node Learning object

Ficha técnica

1. Institucións das que depende:

• Consellería de Medio Ambiente e Cambio Climático
  • SOGAMA 

2. Ámbito: Medio ambiente, sostibilidade, Consumo responsable

3. Presentación do programa: Programa de educación ambiental que ten por obxecto instaurar nos centros escolares a recollida selectiva de residuos para propiciar a súa reciclaxe. Con tal fin, Sogama proporciona aos centros participantes os medios materiais e didácticos necesarios para que a comunidade educativa aprenda a separar os refugallos por tipoloxías e a depositalos nos contedores correspondentes. Sen este labor previo en orixe, a reciclaxe, e, polo tanto, os seus beneficios, tanto ambientais coma económicos e sociais, non resultará viable.
O programa traballa igualmente nas prácticas previas de prevención, redución e reutilización a fin de que a xestión sostible do lixo sexa unha realidade na escola e que as boas prácticas tamén se trasladen á contorna familiar e social do alumnado.

4. Alumnado ao que vai dirixido o programa: Educación infantil e Educación primaria

5. Participación:

• Límite de centros participantes: 25
• Límite de docentes participantes por centro: 8
• Limite de alumnado participante por centro: 200

6. Criterios de selección:

1. Non ter participado en edicións anteriores do programa “Recíclate con Sogama.
2. Ter presentado unha candidatura que se axuste aos obxectivos do programa e que sexa de calidade.
3. No caso de que haxa máis de 25 centros candidatos que dean cumprimento aos dous requisitos anteriores, a selección farase por orde de solicitude.

7. Persoas responsables:

1. Que a comunidade educativa tome conciencia da problemática que representa a elevada produción de lixo, así coma o comportamento a adoptar para facer fronte á mesma, e que coñeza o cometido de Sogama.
2. Que comprenda e aplique cada día a estratexia dos tres erres (redución, reutilización e reciclaxe) e que interiorice a importancia do labor individual e colectivo na xestión sostible do lixo como medida de peso para facer fronte ao cambio climático.
3. Que o  alumnado desenvolva unha tarefa pedagóxica na súa contorna familiar e social máis inmediata para divulgar os beneficios da reciclaxe e incentivar a maior colaboración da poboación.

• 1º Trimestre: diagnóstico inicial da experiencia e coñecementos de cada centro participante na xestión de residuos mediante entrevistas cos coordinadores do programa e/ou coa Dirección, e envío a todos eles dos recursos materiais e didácticos necesarios. Sesión en liña cos coordinadores e profesorado interesado para explicarlles os pormenores do programa.
• 2º Trimestre: formación presencial do alumnado, obradoiros, visita de seguimento aos centros para comprobar o estado dos proxectos, e convocatoria do concurso de carteis sobre reciclaxe.
• 3º Trimestre: última visita de seguimento aos centros na que se contempla tamén a caracterización dos residuos depositados nos contedores subministrados por Sogama para comprobar a calidade e grao de acerto e erro na selección, e nova entrevista cos coordinadores do programa e/ou Dirección para facer un balance do programa.

Obradoiros: Caixas sensoriais, xogos de clasificación de residuos, talleres de reutilización, etc.

Webs de referencia: www.sogama.gal; www.cadernoverde.gal

Concursos / Premios: Convocatoria dun concurso de elaboración de carteis promocionais da reciclaxe.

Formación: Curso específico en liña "A educación ambiental na economía circular", cunha duración de 30 horas lectivas, destinado ao profesorado

12. Orzamento: Non se contempla.

13. Produto final: Un vídeo, de non máis de 2 minutos de duración, ou ben un informe, ilustrado con imaxes das actividades, nos que se resuma o traballo realizado polo centro durante o curso académico.

14. Criterios de avaliación:

Criterios xerais do Plan Proxecta+:

1. Creación dunha rede de traballo cooperativa na comunidade educativa entre alumnado, profesorado, familias e/ou institucións da contorna. Valorarase especialmente a participación activa do alumnado no desenvolvemento do proxecto (toma de decisións, realización do produto final etc).
2. Interdisciplinariedade (achegas desde distintos departamentos didácticos, disciplinas ou materias) e transferibilidade do proxecto.
3.  Impacto e difusión do proxecto. É imprescindible incorporar na memoria, a través de ligazóns (páxinas web, blogs etc), evidencias gráficas e/ou documentais do traballo realizado que permitan constatar o desenvolvemento do proxecto.

Criterios xerais do programa:

1. Implicación e colaboración do centro no correcto desenvolvemento das actividades desenvolvidas no marco do programa
2. Calidade do material depositado nos contedores, é dicir, grao de acerto ou erro á hora de seleccionar o lixo e depositalo no recipiente de destino
3. Implicación doutros sectores sociais no proxecto de cada centro, sexa o propio concello, unha asociación, a AMPA, etc.