Ficha técnica 2025/26

1. Institución:

• Consellería do Medio Rural. Dirección Xeral de Defensa do Monte.

2. Ámbito: Medio ambiente, sostibilidade, incendios forestais

3. Presentación do programa:  O programa trata principalmente sobre a prevención dos incendios forestais e ten como finalidade implicar ao alumnado de Primaria, ESO e dos ciclos formativos de Formación Profesional na defensa do medio natural fronte aos incendios forestais. Ao longo do curso escolar, foméntase a concienciación sobre o valor dos bosques, a súa xestión sostible e o impacto ambiental dos lumes. O programa combina actividades educativas con charlas e visitas de persoal dos distritos forestais, reforzando o coñecemento directo do entorno. Diríxese a todos os centros educativos do rural promovendo o traballo cooperativo e interdisciplinar na comunidade educativa.

4. Alumnado ao que vai dirixido: alumnado de Educación primaria, Educación Secundaria Obrigatoria e Ciclos formativos.

5. Participación:

• Límite de centros participantes: 14.
• Límite de docentes participantes por centro: 2.  
• Límite de alumnado participante por centro: 25.

6. Criterios de selección:

• Distribución territorial equitativa de acordo coa organización dos distritos forestais.
• O programa priorizará aqueles proxectos de centros educativos localizados en concellos rurais.
• O tema central debe tratar sobre a prevención de incendios forestais.

7. Persoa responsable:

• Nome: Carmen María Seco García; Pablo Fernández Coroas
• Departamento: Subdirección Xeral de Prevención, Servizo de Actuacións Preventivas
• Teléfono: 981 546 063 / 981 546 058
• Correo electrónico: carmen.maria.seco.garcia@xunta.gal      pablo.fernandez.coroas@xunta.gal

8. Obxectivos do programa: O obxectivo do programa é implicar ao alumnado de modo activo e responsable na protección do medio natural fronte aos incendios forestais. Preténdese que tomen conciencia do valor dos bosques, do seu uso sostible e da súa función na conservación da biodiversidade, sempre desde a perspectiva das consecuencias que teñen os incendios sobre o equilibrio ecolóxico, a calidade das augas, a produtividade do monte e o aproveitamento social da contorna.

9. Palabras clave: Incendios forestais, monte, medio ambiente, recursos forestais.

10. Metodoloxía e temporalización: A temporización abarca todo o curso escolar.

11. Actividades e recursos ofertados: Participación de persoal dos Distritos Forestais a través de charlas e visitas, previa solicitude, como apoio das actividades que realicen os centros cando poidan integrarse no programa.

• Recursos materiais: Non se contempla
• Obradoiros: Non se contempla
• Saídas: Posibilidade de visitas a obras de prevención ou bases helitransportadas
• Webs de referencia:
  • Medio Rural - defensa do monte
• Concursos / Premios: Non se contempla
• Formación: Non se contempla

12. Orzamento: Non se contempla.

13. Produto final: Non se contempla.

14. Criterios de avaliación:

• Criterios xerais do Plan Proxecta+
  • Creación dunha rede de traballo cooperativa na comunidade educativa entre alumnado, profesorado, familias e / ou institucións da contorna. Valorarase especialmente a participación activa do alumnado no desenvolvemento do proxecto (toma de decisións, realización do produto final, etc.).
  • Interdisciplinariedade (achegas dende distintos departamentos didácticos, disciplinas ou materias) e transferibilidade do proxecto.
  • Impacto e difusión do proxecto: é imprescindible incorporar na memoria, a través de ligazóns (páxinas web, blogues, etc.) evidencias gráficas e / ou documentais do traballo realizado que permitan constatar o desenvolvemento do proxecto.
• Criterios propios do programa:
  • Número e calidade das actividades relacionadas co programa que foron desenvolvidas durante o curso.
  • Grao de cumprimento do programa con relación aos compromisos presentados na memoria inicial.
  • Nivel de calidade do traballo final.